بسم الله الرحمن الرحيم
* * * *
بشره ازفلك يا حُسين
* * * * * *
يا حُسين ادماك ما راحن هدر .. ساعة الطف يوم حنن كربله
وياحُسين اعداك ما شافو نصر .. النصر يعرف يبو اليمه هله
من سنة ستين امامي الهالعصر .. الدهر لفه جثيره رذّلّه
لجن نصرك يبو اليمه ابكل فخر .. الهسه ما واحد تجّرأ يوصله
انته يوم الطف وضعت النه الاساس .. وصرت بعله الصوت تخطب بالمله
اليوم اريد اوضع نهج للثائرين .. وانشر الثوره الابيه الفاضله
ابدمك ود م الاكارم ياحُسين .. شيدت بنيان عنوانه العُله
وناشدت بالكون امامي كل شريف .. اليحب حسين ركبه ايحصله
سمعنه وطعنه يا مو لاي .. وقدمينه ارواح هالمذهب اله
وكل زمان المرتجي الشيعة حسين .. تلكه دمعه ويع دمهم نازله
احنه حنينه وكتنه بحله دم .. ودمنه وي دمك نشوفه نأمله
وانشد التاريخ عن التضحيات.. لابد التاريخ عنده امحصله
ابد ما اعني دمانه اتوفي دوّم .. قطره من دمك يبن عقد الوله
لجن كل الي اريد اوحي بيه .. غير دربك يبو اليمه ماحله
واليحبك يفدي روحه كلها ليك .. ودمه وي دمك يريد ايوصّله
حتى باجربالحشر يوكف سعيد.. وعينه من دون العيون امكحله
ابد نبخل سيدي بهذا العطاء .. ودمنه غيمة نصر تبقى هاطله
بلا عدد مولاي لو ردنه نموت .. وياك بيه الموت كل هم ينجله
صدرين الفدينه النهجك حسين .. ومن اجانه الموت كلناله بله
وجم حكيم المذهبك يابو علي .. قدمينه وصحنه يا مية هله
الصدر الاول قلع اشجار الضلم .. وحل بديه اسرار اكبر معضله
وصدرنّه الثاني هدم ركن الكفر .. وحصن ذاك الطاغي بيده زلزله
والحكيم أبيوم اشلاء انتثر .. هالدرب يابو الايمه كمّله
وضّح الصوره الحقيقيه ابدماه .. وجم لغز عدنه الحلع وعلّلله
يا حسين النهج ذمه بهالركاب .. وكل شخص منه ابركبته شايله
وسيد السيستاني بارك هالركاب .. واحنه بالسيستاني موكبنه عله
ونحمده البارينه ابسيد علي .. وندعي ربنه النه عمره ايطوله
ويحفض ارباب الديانه الهلنهج .. وبهالوجوه النهج دوّم ايجمله
وبهالوجوه النهج دوّم ايجمله
الثلاثاء سبتمبر 30, 2008 5:21 am